ആദായനികുതി റീഫണ്ട് ഉടനെ കൊടുത്തുതീര്‍ക്കാന്‍ നിര്‍ദേശം
5000 രൂപവരെയുള്ള ആദായനികുതി റീഫണ്ടുകള്‍ ഉടന്‍ കൊടുത്തുതീര്‍ക്കാര്‍ പ്രത്യക്ഷ നികുതി ബോര്‍ഡ് ആദായ നികുതി വകുപ്പിന് നിര്‍ദേശം നല്‍കി.കഴിഞ്ഞ മൂന്ന് സാമ്പത്തിക വര്‍ഷത്തെ റീഫണ്ടുകളാണ് നടപ്പ് സാമ്പത്തിക വര്‍ഷംതന്നെ കൊടുത്തുതീര്‍ക്കാര്‍ നിര്‍ദേശം നല്‍കിയിട്ടുള്ളത്.
സൂക്ഷ്മ പരിശോധന ആവശ്യമില്ലാത്തതും 5000 രൂപയില്‍ താഴെയുള്ളതുമായ ആയിരക്കണക്കിന് റീഫണ്ടുകളാണ് കെട്ടികിടക്കുന്നതെന്ന് പ്രത്യക്ഷ നികുതി ബോര്‍ഡിന്റെ സര്‍ക്കുലറില്‍ പറയുന്നു.വിശദീകരണം ആവശ്യപ്പെട്ട് നോട്ടീസ് അയച്ചിട്ടും സമയത്തിന് മറുപടി നല്‍കാത്തവരുടെകാര്യത്തിലും ഉടന്‍ തീര്‍പ്പാക്കണമെന്ന് നിര്‍ദേശമുണ്ട്. റിട്ടേണ്‍ നല്‍കിയത് പരിശോധിച്ച് റീഫണ്ട് ഉണ്ടെങ്കില്‍ നല്‍കണമെന്നാണ് നിര്‍ദേശം
