തൃശൂർ റവന്യൂജില്ലാ സ്കൂൾ ശാസ്ത്രമേളയ്ക്ക് ഇന്നു തുടക്കം
ശാസ്ത്രമേള തൃശൂർ സേക്രഡ് ഹാർട്ട് കോൺവന്റ് ഗേൾസ് ഹയർസെക്കൻഡറി സ്കൂളിലും, ഗണിതശാസ്ത്രമേള സെന്റ് ക്ലെയേഴ്സ് എച്ച്എസ്എസിലും, സാമൂഹികശാസ്ത്രമേള ഹോളിഫാമിലി എച്ച്എസ്എസിലും, പ്രവൃത്തിപരിചയമേള കാൽഡിയൻ സിറിയൻ എച്ച്എസ്എസിലും, ഐടി മേള മോഡൽ ബോയ്സ് എച്ച്എസ്എസിലും നടക്കും. രാവിലെ 10 മുതൽ മത്സരങ്ങൾ ആരംഭിക്കും.
ഇന്നുരാവിലെ 10ന് മോഡൽ ബോയ്സ് എച്ച്എസ്എസിൽ നടക്കുന്ന ചടങ്ങിൽ മേയർ അജിത ജയരാജൻ മേള ഉദ്ഘാടനം ചെയ്യും. കെ. രാജൻ എംഎൽഎ അധ്യക്ഷനാകും. 17ന് വൈകീട്ട് അഞ്ചിനു ജില്ലാ പഞ്ചായത്ത് പ്രസിഡന്റ് ഷീല വിജയകുമാർ സമാപന സമ്മേളനം ഉദ്ഘാടനം ചെയ്യും. ഡപ്യൂട്ടി മേയർ വർഗീസ് കണ്ടംകുളത്തി അധ്യക്ഷനാകും. ഡിഡിഇ കെ. സുമതി, വി.എച്ച്.എസ്.ഇ അസിസ്റ്റന്റ് ഡയറക്ടർ ഡോ. ലീന രവിദാസ്, പബ്ലിസിറ്റി കൺവീനർ സി.കെ. ബിന്ദു, എന്നിവർ പത്രസമ്മേളനത്തിൽ പങ്കെടുത്തു.
No comments:
Post a Comment