Non Vocational Lecturers’ Association

ശമ്പളം പരിഷ്‌കരിച്ചപ്പോള്‍ ഹയര്‍സെക്കന്‍ഡറി അധ്യാപകര്‍ക്കും വൊക്കേഷണല്‍ ഹയര്‍സെക്കന്‍ഡറി അധ്യാപകര്‍ക്കും ആനുപാതിക വര്‍ധനയുണ്ടായില്ലെന്ന് ആക്ഷേപം. മുമ്പ് സമാന സ്‌കെയിലിലുണ്ടായിരുന്നവരേക്കാള്‍ കുറഞ്ഞ നിരക്കിലാണ് ശമ്പളം പുതുക്കിയതെന്നാണ് മുഖ്യപരാതി. ഹൈസ്‌കൂള്‍ ഹെഡ്മാസ്റ്റര്‍മാര്‍ക്കും പ്ലസ്ടുവിലേയും വിഎച്ച്എസ്ഇ നോണ്‍ വൊക്കേഷണല്‍ വിഭാഗത്തിലേയും സീനിയര്‍ അധ്യാപകര്‍ക്കും മുമ്പ് ഒരേ നിരക്കിലായിരുന്നു ശമ്പളം. 11,070-18,450 സ്‌കെയിലില്‍ ശമ്പളം പുതുക്കിയപ്പോള്‍ സീനിയര്‍ അധ്യാപകര്‍ക്ക് 19,240-32,110 ഉം, ഹൈസ്‌കൂള്‍ ഹെഡ്മാസ്റ്റര്‍മാര്‍ക്ക് 20,740-33,680 ഉം ആയി. മാത്രമല്ല, കൂടുതല്‍ വര്‍ഷം സര്‍വീസുള്ളവര്‍ക്ക് ആനുകൂല്യങ്ങള്‍ കുറയുന്ന സ്ഥിതിയുമുണ്ട്. 20 വര്‍ഷം സര്‍വീസുള്ളയാള്‍ക്ക് 37,036 രൂപയാണ് പുതിയ സ്‌കെയില്‍ പ്രകാരം ലഭിക്കേണ്ടത്. എന്നാല്‍, പുതിയ സ്‌കെയിലിലെ ഉയര്‍ന്ന പരിധി 32,110 രൂപയാണ്. ശമ്പള സ്‌കെയിലിലെ പരിധി ഉയര്‍ത്താതെ ഈ അപാകം പരിഹരിക്കാനാവില്ല. കേന്ദ്രനിരക്കിലെ സമാന തസ്തികയ്ക്ക് 7,000 രൂപയുടെ കുറവാണ് ഹയര്‍ സെക്കന്‍ഡറി-വിഎച്ച്എസ്ഇ. അധ്യാപകര്‍ക്കുള്ളത്. പി.എച്ച്.ഡി. യോഗ്യതയുള്ളവര്‍ക്ക് കോളേജിലേതിന് സമാനമായി മൂന്ന് അധിക ഇന്‍ക്രിമെന്റ് നല്‍കണമെന്ന ആവശ്യവും ശമ്പളപരിഷ്‌കരണ കമ്മീഷന്‍ പരിഗണിച്ചില്ല. പി.എച്ച്.ഡി. ഉള്ളവര്‍ക്ക് 500 രൂപ അലവന്‍സ് നല്‍കാനാണ് ശുപാര്‍ശ.

വിഎച്ച്എസ്ഇ സ്കൂളുകള്‍ക്കുമാത്രമായി പ്രിന്‍സിപ്പല്‍മാരെ നിയമിച്ച് ഉത്തരവായി

10:57 PM by Simon Jose N

nvla .

വിദ്യാഭ്യാസ വകുപ്പിന്‍റെ കീഴിലുള്ള വിഎച്ച്എസ്ഇ സ്കൂളുകള്‍ക്കു മാത്രമായി പ്രിന്‍സിപ്പല്‍മാരെ നിയമിച്ച് ഉത്തരവു പുറപ്പെടുവിച്ചതായി വിദ്യാഭ്യാസ മന്ത്രി പി.കെ.അബ്ദുറബ്ബ് അറിയിച്ചു.

തൊഴിലധിഷ്ഠിത ഹയര്‍ സെക്കന്‍ഡറി കോഴ്സുകള്‍ നടത്തുന്ന ഹൈസ്കൂളുകളില്‍ ആ വിഭാഗത്തിന്‍റെ ചുമതല ഇതുവരെ ഹൈസ്കൂള്‍ ഹെഡ്മാസ്റ്റര്‍ക്കായിരുന്നു. ഇവര്‍ തൊഴിലധിഷ്ഠിത ഹയര്‍ സെക്കന്‍ഡറി ഡയറക്ടറേറ്റിന്‍റെ അധീനതയിലുള്ളവരായിരുന്നില്ല. ഹൈസ്കൂളിന്‍റേയും, വൊക്കേഷണല്‍ ഹയര്‍ സെക്കന്‍ഡറിയുടേയും ചുമതല കാര്യക്ഷമമായി നടത്താന്‍ ഇവര്‍ക്കു പ്രയാസമുണ്ടായിരുന്നു. തൊഴിലധിഷ്ഠിത ഹയര്‍ സെക്കന്‍ഡറി സ്കൂളുകള്‍ക്കു മാത്രമായി പ്രിന്‍സിപ്പല്‍മാരെ നിയമിക്കണമെന്നു NVLA വളരെ വര്‍ഷങ്ങളായി ആവശ്യപ്പെട്ടു വരുന്നുണ്ട്.

ഓരോ സ്കൂളിലേയും ഏറ്റവും സീനിയറായ വൊക്കേഷണല്‍ അല്ലെങ്കില്‍ നോണ്‍ വൊക്കേഷണല്‍ അധ്യാപകനാണ് അക്കാദമിക് ഭരണ ചുമതല നല്കുന്നത്. നിലവിലുള്ള ഹെഡ്മാസ്റ്റര്‍മാര്‍ ഹൈസ്കൂളിന്‍റെ ചുമതലക്കാരായി തുടരുമെന്നും മന്ത്രി പറഞ്ഞു.

For the GO വിസിറ്റ്

http://nvlassociation.com/ ക്ലിക്ക് ഓണ്‍ RESOURSES 4 U LINK

Bookmark in Network

വി.എച്ച്.എസ്.ഇ.ക്ക് പ്രത്യേകം പ്രിന്‍സിപ്പല്‍മാരെ നിയമിക്കും -മന്ത്രി

8:06 PM by Simon Jose N

nvla .

സ്‌കൂളുകളില്‍ വൊക്കേഷണല്‍ ഹയര്‍സെക്കന്‍ഡറിവിഭാഗത്തിന് പ്രത്യേകം പ്രിന്‍സിപ്പല്‍മാരെ നിയമിക്കുമെന്ന് വിദ്യാഭ്യാസമന്ത്രി പി.കെ.അബ്ദുറബ്ബ് പറഞ്ഞു. സംസ്ഥാന സ്‌കൂള്‍ ശാസ്‌ത്രോത്സവത്തിന്റെ ഉദ്ഘാടനച്ചടങ്ങിനിടെയാണ് മന്ത്രി ഇക്കാര്യം പ്രഖ്യാപിച്ചത്. ഇപ്പോള്‍ വി.എച്ച്.എസ്.ഇ. ഉള്ള സ്‌കൂളുകളില്‍ ഹൈസ്‌കൂള്‍ പ്രധാനാധ്യാപകര്‍ക്കാണ് ചുമതല. ഇത് പ്രധാനാധ്യാപകരുടെ ജോലിഭാരം വര്‍ധിപ്പിക്കുന്നുണ്ട്. ഈ സാഹചര്യത്തിലാണ് ഹയര്‍സെക്കന്‍ഡറിവിഭാഗംപോലെ വി.എച്ച്.എസ്.ഇ.ക്കും പ്രത്യേകം പ്രിന്‍സിപ്പല്‍മാരെ നിയമിക്കുന്നത്.

ഇത്തവണമുതല്‍ ശാസ്ത്രമേളയില്‍ കുട്ടികളുടെ കണ്ടെത്തലുകള്‍, ഉത്പന്നങ്ങള്‍, പരീക്ഷണങ്ങള്‍ എന്നിവ പ്രത്യേകം രേഖകളാക്കി സൂക്ഷിക്കും. അടുത്തവര്‍ഷം അതിലേക്ക് കൂടുതല്‍ കൂട്ടിച്ചേര്‍ക്കാനാകും. മികച്ചവയ്ക്ക് പ്രത്യേക പ്രോത്സാഹനം നല്‍കാനും അതുവഴി മിടുക്കരായ ശാസ്ത്രജ്ഞരെ വാര്‍ത്തെടുക്കാനുമാകും.

കോളേജ്‌വിദ്യാഭ്യാസരംഗത്ത് കാലോചിതമായ മാറ്റങ്ങള്‍ വരുത്തുമെന്നും മന്ത്രി പറഞ്ഞു. ശാസ്‌ത്രോത്സവത്തിന്റെ സി.ഡി.കള്‍ മത്സരത്തിനെത്താത്ത സ്‌കൂളുകളിലും കുട്ടികളിലുമെത്തിച്ച് തുടര്‍ന്നുവരുന്ന മേളകളില്‍ കൂടുതല്‍ പങ്കാളിത്തം ഉറപ്പാക്കുമെന്നും മന്ത്രി പറഞ്ഞു.

Bookmark in Network

Pavaratty

8:39 AM by Simon Jose N

There are many speculations behind the name of this locality. Some may doubt relations with "Paav – Roti", Andhra Bread. Again many others try to find out a connection between this locality and the English word – ‘poverty’. But the older generation is for another view. In old days there were many looms in and around this area. The weavers of this locality used to run the shuttle twice (Paav) twisting the time of thread – "Paav" – put twice (iratty). Anyhow this locality had a significant role in various fields. In architecture, we find "Pavaratty Finish". It is the marble (mirror) finish work done with verily coloured cement coatings that brought this term. The workers of Pavaratty are very much skilled in this art and it was done throughout Kerala by the workers from here. Again, we may find a name in the past, related to pavaratty–Kavalapara. It denotes the present ‘Pavaratty Centre’. There was a police post here and hence the name came to be used.
Pavaratty has been by three Christian Religious Congregations : the CMI CMC and SABS. The CMI and CMC serve Pavaratty especially in the field of education; whereas the SABS administer the Hospital.

Bookmark in Network

സംസ്ഥാന സ്‌കൂള്‍ ശാസ്ത്രമേള: ഒരുക്കങ്ങള്‍ പൂര്‍ത്തിയായി

8:12 AM by Simon Jose N

nvla .

ജനവരി എട്ടുമുതല്‍ 12 വരെ പാലക്കാട്ട് നടക്കുന്ന സംസ്ഥാന സ്‌കൂള്‍ ശാസ്ത്രമേളയുടെ ഒരുക്കങ്ങള്‍ പൂര്‍ത്തിയായി.പാലക്കാട് ബി.ഇ.എം. ഹയര്‍സെക്കന്‍ഡറി സ്‌കൂളില്‍ പ്രവൃത്തിപരിചയമേളയും മോയന്‍ഗേള്‍സ് ഹയര്‍സെക്കന്‍ഡറി സ്‌കൂളില്‍ ശാസ്ത്രമേളയും പി.എം.ജി. ഹയര്‍സെക്കന്‍ഡറി സ്‌കൂളില്‍ ഗണിതശാസ്ത്രമേളയും സെന്റ് സെബാസ്റ്റ്യന്‍ യു.പി. സ്‌കൂളില്‍ സാമൂഹ്യശാസ്ത്രമേളയും കോട്ടമൈതാനത്ത് വൊക്കേഷണല്‍ എക്‌സ്‌പോയും ടൗണ്‍ ഹാളില്‍ കരിയര്‍മേളയുമാണ് നടക്കുന്നത്.
ഞായറാഴ്ചരാവിലെ 9.30ന് പാലക്കാട് ബി.ഇ.എം. ഹയര്‍സെക്കന്‍ഡറി സ്‌കൂളില്‍ പൊതുവിദ്യാഭ്യാസ ഡയറക്ടര്‍ എ. ഷാജഹാന്‍ പതാക ഉയര്‍ത്തും. 10.30ന് രജിസ്‌ട്രേഷന്‍. ഉച്ചയ്ക്ക് 2.30 ന് വിദ്യാഭ്യാസ മന്ത്രി പി.കെ. അബ്ദുറബ്ബ് മേള ഉദ്ഘാടനം ചെയ്യും. യു.പി., വി.എച്ച്.എസ്.ഇ., ഹൈസ്‌കൂള്‍, ഹയര്‍സെക്കന്‍ഡറി വിഭാഗങ്ങളിലായി 8,000 വിദ്യാര്‍ഥികളടക്കം 15,000 ത്തിലധികം പേര്‍ പങ്കെടുക്കുമെന്ന് ഡി.പി.ഐ. ഓഫീസിലെ അക്കാദമിക് ജോയന്റ് ഡയറക്ടര്‍ വി.കെ. സരളമ്മ പത്രസമ്മേളനത്തില്‍ പറഞ്ഞു. മോയന്‍ എല്‍.പി. സ്‌കൂളില്‍ ഭക്ഷണശാല ഒരുക്കിയിട്ടുണ്ട്. പാലക്കാട്‌നഗരത്തിലും പരിസരങ്ങളിലുമുള്ള വിവിധ സ്‌കൂളുകളില്‍ താമസസൗകര്യമൊരുക്കിയിട്ടുണ്ട്.

Bookmark in Network